有份演出無綫劇《翻新大少》的向海嵐入行七年，一直想有代表作，藉此問鼎最受歡迎女主角獎。最近張可頤因病辭演無綫新劇《上海傳奇》，接演的向海嵐被說成執二攤，但她絕不介意，並說：「我重要做得更好。」
九八年向海嵐當選香港小姐冠軍後，一直獲無綫重用，演出劇集《無頭東宮》和《楊貴妃》，將她的事業推到高峯，可是向海嵐對於這麼多突如其來的幸運，感到無所適從。
克服低潮
向海嵐日前說：「時間真係過得好快，眨眼就咁多年，好快又十年，真係有啲驚。咁多年來，選到港姐之後，公司都畀好多機會我。我覺得好幸運，選完港姐就可以拍到好嘅劇集，到𠵱家好多人見到我，都有提起當年《楊貴妃》、《無頭東宮》啲劇名，其實當時我覺得自己未企得住，做人同演技方面都係好幼嫩。」
幸好向海嵐有着樂觀的性格，對《楊貴妃》以後的事業低潮，她以平常心面對，向海嵐說：「都唔算係事業下滑，只因為《楊貴妃》個劇係講一個人物，之後我拍好多劇係雙生雙旦，角色發揮都好多，當中嘅比較，我會將佢轉化成推動力。」
想創高峯
向海嵐續說：「好似《上海傳奇》咁，可頤係因病辭演，接替佢做呢個角色，對於我係一個好大嘅壓力，因為可頤演技公認好，我都預咗其他人會比較，但係我唔怕，我話畀自己聽要做得更好，唔好衰畀其他人睇。」講到入行七年，向海嵐都希望可以創出另一個高峯，她說：「我都想攞獎，希望可以快啲拍到一套代表作，吐氣揚眉。」
採訪：楊潔雯
攝影：何榮亮
服裝及場地提供：上海灘
