小小超李澤楷（圖）電盈檔NOW寬頻電視近嚟真係氣勢如虹，除咗囊括六大電影頻道外，又招兵買馬實行自己做廿四小時財經新聞台，𠵱家佢哋已經搵咗一批核心人物，開始前期工作。
總部選址喺電盈灣仔機樓，毗鄰TVB新聞部喺市區嘅辦公室，一來佢哋個班底大部份嚟自TVB，喺一個熟悉嘅地點工作，自然事半功倍，加上灣仔機樓近中環金融區，做嘢都方便啲；佢哋𠵱家重喺度請人。
除咗新聞台，佢哋搵咗何國輝幫手整合互動廣告，聽講亦開始見到成績，搵到一批大客，其中一個就係Nike。難怪老大哥有線電視要變陣迎擊，計劃喺第四季將𠵱家嗰近百條頻道分拆，分成廿幾個迷你套餐畀客戶揀。
傳真︰2623-9278
電郵︰[email protected]