信興集團主席蒙民偉噚日獲英國TheUniversityofSheffield頒授榮譽工程學博士學位，政壇教父鍾士元、寶哥哥同張敏儀都有出席賀佢。原來鍾士元都係呢間大學嘅工程學博士，係一九五一年攞嘅。今年係呢間大學一百周年，Vice-ChancellorProfessorRobertBoucher趁呢個機會頒博士學位畀蒙民偉，表揚佢對培育下一代不遺餘力，咁多人到賀，蒙民偉梗係笑到四萬咁口啦。
八方問鍾大Sir民主派今次上大陸嘅表現點，佢話第一次係咁㗎喇，當見面禮，大家都係想見吓報，六四梗係要講，中央梗要聽。至於幾時可以上京？佢就話「機會係有，早定遲，始終係一個中國。」
有人問，政改個程序𠵱家會唔會係調轉咗，佢就話「係呀，冇辦法，呢個世界唔係平等，總公司同分公司始終要有高低。」咁高深，大家明唔明解呢？
傳真︰2623-9278
電郵︰[email protected]