考吓大家，市面上DC最大嘅顯示屏有幾大？2.7"？你Out喇！答案係3"！SANYO最新出嘅DCXactiE6擁有一個3"顯示屏，而且重有23萬像素，唔單止畫面夠晒靚，而且E6重好識得盡用呢個3"芒，用家可以一次過瀏覽36張相片嘅縮圖，揀相就更加一目了然，另外喺拍攝模式裏面，用家也可以選擇拍攝提示模式，呢個模式會將影像縮至2"範圍，而旁邊就會有因應不同環境作出嘅拍攝提示，幫助用家拍得質素更好嘅相片。
E6另一個特別功能係獨家嘅TouchSensor輕觸式對焦功能，只要用家將手指放喺快門掣度，相機就會馬上對焦，一㩒掣就影到清晰嘅相片，唔需要好似其他DC咁要㩒半掣對焦，對於唔熟悉攝影嘅用家嚟講可以喺不自覺情況下對焦，真係幾方便，記者試過呢個對焦功能反應都幾快。E6備有600萬像素CCD，可以拍攝解像度最高為2,816×2,112嘅相片，一般用家都夠用有餘喇！
記者、攝影：梁瑋瑜
查詢：SANYO（21936528）
Profile：1/2.5"600萬像素CCD、3"LCD、SD卡、97.7×59.5×22.8mm、134g
