拍賣官告別作豬籠入水
拍賣官柏鼎言（圖中）操刀拍賣三幅九龍地，成交價理想，庫房進帳過百億元，本來應讚佢係運財童子。但聽佢話，過埋今年就退休，今次賣地造價咁高，睇怕下次發展商要成功勾地都唔易，昨日可能係佢主持拍賣嘅告別作。 昨日賣地過程有時會有啲悶局，但係咁啱幾次拍賣官一飲水就有人出價打破僵局，最後結果更超預期，印證廣東話「水為財」係有道理。