楊千嬅前晚與古巨基出席音樂特輯首映，片段中雷頌德踢爆千嬅愛黑面，基仔打機很好勝。千嬅在特輯中將黑面歸咎於傳媒，但她接受記者訪問時卻表示黑面因工作壓力大。
古巨基、楊千嬅及側田前晚在沙田出席《千秋巨獻—由世界中心開始》首映會，吸引近百歌迷圍觀，三人更即席夾band獻唱，同場播映的音樂特輯片段中，雷頌德（Mark）問千嬅為甚麼經常黑面，千嬅表示：「我喺圈中黑面都唔算嚴重，有時遇到啲報道忿忿不平就會唔開聲囉。」
「個樣嚴肅啲」
但事後千嬅面對記者，卻有另一版本，她說：「係阿Mark話我做嘢時黑面，同平日成日笑係兩個樣，我做嘢時有工作壓力，個樣會嚴肅啲。」問到覺得圈中人哪個最易黑面，千嬅說：「每個藝人都有情緒，黑面唔係問題，或者人哋諗緊嘢，唔係壞事，我自己喺片場成日唔出聲，係啲人只影到我笑笑口。」
問千嬅有否被人黑面對待過，她說：「試過，我體諒大家有工作情緒，可能擔心票房或者唱片銷量。」千嬅表示此行到澳洲，令四人更深入了解大家，而圈中她最常與「人山人海」訴心事。提到鄭中基與蔡卓妍戴情侶鏈，千嬅無厘頭說：「唔關我事，我哋嗰日表演，啲人都入晒腦啦，不過唱完就成為歷史，想重溫就睇重播囉。」
唔贏唔收手
雷頌德在特輯中指基仔打機時很好勝，不贏不收手，基仔接受訪問表示：「玩足球game邊個唔想入多啲？」問他面對頒獎禮會否也好勝，基仔謂：「我會喺能力範圍盡量射入囉，同足球game唔同，要宣傳同各樣嘢配合㗎嘛。」
採訪：馬建華
攝影：何榮亮
