關心妍（Jade）早前到澳洲布里斯本，擔任「全球華人歌唱大賽」澳洲站表演嘉賓。憑參加全球華人歌唱大賽進軍樂壇的阿Jade，對今次擔任表演嘉賓可謂別有一番滋味，她說：「以前參賽未唱已經驚到手震，𠵱家睇番啲參賽者，好似自己當年咁緊張，驚覺時間真係過得好快。」
表弟飲醉
首次踏足澳洲的阿Jade演出後，順道與家人到澳洲各地觀光，他們除到過布里斯本看袋鼠及樹熊外，還前往珀斯入住農莊酒店，欣賞大自然風光。其中與家人一同參觀紅酒園，更令阿Jade十分難忘，她說：「屋企人有飲紅酒嘅習慣，所以佢哋指定要嚟紅酒園，呢度啲酒真係好靚。雖然我唔識欣賞，不過都呷咗幾啖，但係我表弟人仔細細，竟然飲咗十幾杯，行路擺嚟擺去，要人送佢返酒店。」
