名模樂基兒、LisaS.和陳嘉容等昨日在風雨中，穿上泳裝等服飾於遊艇上展示LouisVuitton初春系列，新裝清新繽紛滲出六十年代優雅，其中樂基兒表示回復平胸，到沙灘暢泳無懼被偷拍，LisaS.則謂有童年陰影，最忌topless。
法國超級名牌LouisVuitton昨日在TheGrandCru豪華遊艇上，在風雨中舉行二○○六初春時裝騷，同場展示設計總監MarcJacobs親自設計的太陽眼鏡系列，由名模陳嘉容、樂基兒和LisaS.等示範。
「個胸都冇咗」
樂基兒穿上粉紅色連身泳裝，亮麗可人，她表示平日愛在香港游水，問她不怕被偷影嗎？她率直地說：「唔怕！我都係着比堅尼，唔怕俾人影，我個胸都冇咗喇！」LisaS.則表示穿泳裝游水可以，topless則免問，她說：「我有童年陰影，法國沙灘好多人都係無上裝，我三、四歲時同媽咪去嗰啲club玩，佢又想我topless，一手扯走我件衫，我好反感，即時變咗cryingbaby，個個都唔歡迎我。」
LV的○六初春系列經過冬日的一片黑色調子後，MarcJacobs讓大家呼吸一口清新宜人的空氣，色彩以繽紛pastelcolor如粉黃、粉紅、淡橙和青綠等為主，配上別具型格又細膩的花卉圖案。款式有連身裙搭配羅馬式縛繩涼鞋、金絲上衣與百慕達短褲的組合，滲出一份六十年代的優雅悠閒。而LV的奢華細節依然處處可見，如水晶鈕釦和絲絨飾邊等。
雙重意義tote
配飾方面，除MarcJacobs設計的眼鏡系列引人注目外，為紀念品牌面世一百五十周年，以及下月十二日法國香榭麗總店重開推出的totebag更是焦點所在。
採訪：RitaLeung
攝影：RickyChan
