應屆港姐葉翠翠、陸詩韻、鄧上文以及利嘉兒、車婉婉、馬海倫和吳家樂等，昨日在尖沙嘴出席「觀瀾湖慈善高爾夫球大賽記者會」。
擔任司儀的利嘉兒將於十一月九日跟男友周國豐拉埋天窗，昨日她穿上一襲鬆身裙亮相，隨即惹來大肚疑雲，她說：「唔係，好多人都咁問我，前排我都有去檢查，但冇事，可能因為我就快結婚，個人開心，所以心廣體胖，都重咗五磅。」
婚後設防
問利嘉兒婚後會否不設防時，她說：「梗係會設防喇，今次結婚比我預期早咗一年，所以婚後一、兩年我唔會生BB。」
此外，葉翠翠表示有機會於國慶節目《紫荊吐艷慶歡騰》中再任司儀，她說：「上次我做《星光熠熠耀保良》司儀時真係好緊張，不過好彩有肥姐教我，加上今次係錄影，應該唔會太緊張。」
採訪、攝影：王崇穎