國家副主席曾慶紅早排來港，參觀咗房協牛頭角長者屋彩頤居，如果想知佢睇過啲乜，公眾人士呢個禮拜日有機會嘞，因為彩頤居搞嘉年華，開放示範單位及會所。 今次冇副主席贈興，但有嘉賓表演，好似藝人廖碧兒、吳嘉樂，重有李暉師傅示範太極。 叫得做長者屋，公公婆婆健康要照顧周到，禮拜日特別請個醫生講解保健知識，重安排兒童粵劇，節目豐富。