舒淇昨日在中環欣賞時裝騷時，透露公餘愛旅行流浪，更揚言會為愛情留在異地。舒淇又明言不會再跟圈中人拍拖，但就漏了口風，表示原想跟張震約會，但被記者追訪後，惟有打退堂鼓。
舒淇、顧紀筠、黃德如、郭錦恩、楊崢和張寶華昨日到中環出席美國品牌TSE秋冬時裝騷。舒淇穿上價值一萬多元的露肩茄士咩top配襯黑色長裙，站在衣着密實的模特兒和一眾嘉賓之中，顯得格外亮麗迷人。
在家化妝備偷拍
舒淇表示獲該品牌贊助服裝，省回不少置裝費來買樓，問她會否害怕被偷拍而不在香港置業，她說：「唔會，我都照買樓，有時都睇開啲啦，自己小心啲，有時都四圍望吓，或者喺屋企都要着靚啲，set埋頭、化埋妝囉！」
舒淇透露近期休養生息，並到了日本、新加坡、內地和台灣等亞洲地方旅行，問她可有豔遇？舒淇說：「未有呀，我都想有，我𠵱家相信一見鍾情，喺異地遇到愛人都會為佢留低。」
談到張栢芝最近與外籍男友打得火熱，舒淇亦祝福對方說：「好替佢開心，搵男友唔係睇國籍，最緊要係愛同尊重，鬼佬唔識睇中文報紙都幾好，可以考慮，不過我唔會揀圈中人。」
嫌棄張震年紀細
早前盛傳跟舒淇拍拖的張震豈非冇行？舒淇笑笑露口風說：「係呀，我本來都好想，不過公開咗就拍唔成囉！同埋佢都太細個，重細過我，我要搵大啲、錫我同包容我嘅！」
採訪：顏英儀 攝影：何榮亮
