【本報訊】望鄉十六載，民主派立法會議員今次訪粵考察，只能在國內土地短暫逗留三十小時。民主黨立法會議員李柱銘形容，當旅遊車駛入香港境內時，他心中不期然升起一陣失落，「我心入面不斷諗，幾時先再有機會返大陸？」今次北訪，李柱銘坦言最感到高興的，是完成十六年來一個心願，「終於可以當面同共產黨講，『六四』係錯嘅，香港人要平反六四，呢個先係真正嘅破冰。」 記者：莫劍弦 許偉賢 莊曉陽
立法會議員珠三角訪問團昨日結束兩天的訪問行程，晚上七時十五分返抵立法會大樓解散。因為八九年「六四」鎮壓，李柱銘由北京眼中的才俊，打成反中亂港的頭號分子，一直被禁踏足內地，今次重踏中國大陸土地，眼見國內翻天覆地的改變，李柱銘感慨良多，「喺電視睇過好多次，親眼睇感受始終唔同。」
未與人民交流感失望
最令他感到不枉此行的，是了卻了十六年來的一個心願：向共產黨官員提出平反六四，說的是前天與廣東省委書記、中共中央政治局委員張德江的座談會。「北京一直唔見我哋，就係怕面對（六四），今次共產黨畀到機會我哋當面提平反六四，佢亦都敢當面答，已經係一個突破，起碼我哋要佢面對。」
面對下次歸去無期，李柱銘內心也有掙扎，「我問自己，我十六年來究竟做錯乜？我做每件事為國家好、為香港好，點解唔畀我返大陸？」
所謂破冰之旅，也可形容職工盟議員李卓人的經歷。十六年前因支援民運被北京扣查，之後遞解返港的支聯會副主席李卓人，北上心情同樣複雜，「十六年前我返到香港嗰刻，我曾經同自己講，我以後唔再返大陸，但後來發現，要爭取中國民主同工人權益，點都係要返去。」
李卓人說，今次訪粵令他失望的，就是只有官方交流，沒有人民之間交流，「我想可以同內地人傾吓、交流吓，始終咁多年冇返內地，好想了解多啲。」他認同與官方當面談六四，是一個突破，「無論用乜方式都好，大家都將觀點講咗出嚟，起碼大家都將件事擺咗上枱傾，打破咗呢個禁區，係有積極意義。」
對於民主派今趟行程，不少市民昨天致電電台烽煙節目，讚賞他們敢於向中國官員提出平反六四，聽眾張小姐說：「呢一步，令香港市民個心舒服咗啲，起碼都可以傾吓，真言一定要進，唔通要求個個議員上到去都拍手贊成？」另一名聽眾黃小姐亦指民主派今次「做得好好，緊守崗位」，籲民主派毋須因張德江「話不投機半句多」的言論而氣餒。
聽眾讚長毛講良心話
聽眾許先生則點名稱讚「長毛」梁國雄，「好欣賞長毛有勇氣講出良心說話，唔應該因應唔同場合而收聲，或者唔講。」
不過，亦有市民不贊成民主派提六四，聽眾陳先生批評民主派不識大體，「明明可以借此機會，上去和解又好、改變策略又好，咁先達到目的；六四已經係老掉牙嘅問題，當時熱情完全轉晒啦。」