「英皇新秀歌唱大賽2005」前晚假將軍澳電視廣播城舉行，結果由鍾舒曼勇奪「金咪大獎」。擔任表演嘉賓的容祖兒透露近日因忙於綵排個唱而消瘦，上圍亦縮水不少，但前晚她跳舞時不經意一彎腰，依然甚有睇頭。
前晚舉行的「英皇新秀歌唱大賽2005」已圓滿結束，「金咪大獎」得主鍾舒曼贏得十萬元獎金及合約一份，她事後表示很滿意自己的表現。鍾舒曼說：「我覺得初時有少少緊張，但係同呂方合唱時反而冇乜壓力，最開心係今晚有好多屋企人到場支持我。」鍾舒曼表示暫時仍未知合約年期，但即使要簽約十年也願意。
稱感覺震撼
而表演嘉賓容祖兒則透露近日忙於綵排演唱會，整個人因而消瘦下來，連上圍也縮水不少，她笑說：「我都唔知自己縮咗幾多呀，總之就縮得好震撼啦！以前都見得吓人，𠵱家就好平囉。」
問祖兒會否擔心演唱會的性感衣服因而不稱身，她說：「唔擔心，我都唔係在意呢啲嘢，到時咪最多騷骨感，可以露盆骨同膝頭，反而冇咁大負擔。」
考慮開個唱
此外，身為評判之一的呂方透露正考慮舉行演唱會，他表示本來訂了紅館六月的檔期，不過取消了。
呂方說：「我六月個期好似係讓咗畀張震嶽，嗰時時機都未成熟，開演唱會呢啲唔急得，反正𠵱家都係八十年代嘅人開。」呂方又笑言十分期待欣賞草蜢的演唱會，但他屆時有工作在身，女友鄭裕玲將會撇下他與朋友去睇騷。
採訪：王連連
攝影：葉君海
