名模楊崢早前到歐洲遊歷半個月，到法國古堡參加朋友的夢幻婚禮時感動落淚，她笑言這是她心目中的理想婚禮。當楊崢見到新郎安排醒獅助興時，即令她笑不攏嘴。
名模楊崢早前到歐洲旅遊半個月，順道到法國參加朋友的婚禮。她透露婚禮選在巴黎附近的古堡ChateaudeVilliers-Le-Mahieu舉行，更在古堡住了一晚，感受浪漫氣氛。
醒獅助興
楊崢說：「新郎係我朋友，佢係喺法國長大嘅中國人，所以佢揀咗法國太太嘅故鄉搞wedding，成個婚禮玩足兩日，好浪漫。第一日行禮嘅場面好感動，我都喊，點知後來新郎哥安排醒獅表演，平時舞獅多數係過年、開幕先會有，所以我見到醒獅對住新人舞，都幾搞笑。」
楊崢晚上換上黑色晚裝參加晚宴及派對，她說：「大家玩到凌晨四點幾，我自己因為時差，所以一早瞓咗，第二日重搞戶外燒烤，全程都印象難忘。」
盼遇最愛
楊崢表示今次猶如她的dreamwedding預演，她說：「我都希望喺城堡內結婚，因為我怕凍，最好近海邊或沙灘，行完禮可以好free咁玩吓。喺家我重係單身，其實遇到一生最愛嘅人，已經係最幸福嘅事。」
