自由黨總幹事史文鴻終於同合作咗一年左右嘅自由黨講拜拜。天下無不散之筵席，尤其係同自由黨同席；八方喺佢lastday嗰日問史Sir心情如何，佢話冇乜特別傷感，重話畀八方聽，佢本書已經寫咗成四萬字，等自己小休一段時間後，估計十月中到就完成呢本有關政黨政治發展嘅著作。
呢本書主要係寫政治明星同政治領袖嘅分別，佢話馬丁、華叔等就係明星，因為佢哋係因應時勢而誕生嘅英雄。咁究竟盛傳與史Sir都唔太啱嘴形嘅田少，喺政壇屬明星，抑或領袖呢？史Sir就死都唔肯講，只一味話「唔話你知」，唔通呢個問題真係咁令人難為情？
傳真︰2623-9278
電郵︰[email protected]