自由行開放，香港多咗唔少旅客，政府努力開闢景點同時，發展商都樂意助一臂之力。 信和屯門香港黃金海岸，已經發展成其中一個香港旅遊景點，為咗吸引更多人到訪，特別斥資超過二百五十萬，喺黃金海岸對出泳灘，整咗個「屯門黃金海岸海豚廣場」，廣場噚日正式開放。 廣場最大特色，自然係金色嘅海豚像，有九米高，由兩大一細嘅海豚組成，遠遠已經見到。 遊客可以多一個景點之餘，又可以吸引多啲本地人去黃金海岸消費，真係一舉兩得。