林保怡昨日在奧海城出席「無國界醫生日活動閉幕禮暨支票頒贈儀式」，為無國界醫生呼籲市民捐款。
林保怡在無綫劇《妙手仁心》系列飾演急症室醫生，形象深入民心，他自覺形象正面，更曾有人以為他是醫生。
林保怡說：「拍《妙手仁心》第一輯時，套劇重未出街，有次喺那打素醫院拍攝，着住件急症室醫生袍喺醫院餐廳食飯，聽到有人話：『嗰個咪係林保怡，原來佢真係醫生。』拍戲做得醫生多，𠵱家我真係識得幫人打針同吊鹽水。」
想扮變態佬
雖然多次飾演醫生角色，但林保怡不擔心就此被定型，他說：「我係演技派，演變態角色都得，不過可能呢類角色畀黃秋生做晒，所以冇人搵我演，其實演乜角色我都冇所謂。」
採訪、攝影：魯萍