上周三，台灣「狂人」李敖喺北大演講時，引述《毛選》話：「共產黨總有一天會消滅」，令海內外嘩然。八方聽聞，中宣部「騰晒雞」，中午前完嘅北大演講，審核到夜晚七點幾新華社先發稿，內容輕描淡寫。
唔知「絲帶台」係咪因為新華社未出稿定調，當晚六點鐘新聞絕口不提，正當有人怒斥為「偽新聞機構」，以為「三色台」會有啲料，怎料「三色台」連簡訊都冇，令人歎為觀止，大家不禁齊聲讚賞吳光正嘅有線新聞台，因為佢哋已經播足一日。
好彩香港重有有線同鳳凰衛視台睇，鳳凰係大陸認可台，有解放軍背景都敢照播，「絲帶台」同「三色台」使唔使咁驚呀？
傳真︰2623-9278
電郵︰[email protected]