成龍前晚出席一個酒會時，自爆跟韓國女星金喜善互教粗口，指這些事沒有甚麼大不了。一向喜被冠以「大哥」的成龍更忽然誠實地說：「我又唔係咁高尚，做過唔怕認。」
成龍、鄭中基、方力申、梁靖琪、陳苑淇、鄧麗欣及傅穎等，前晚在黃金海岸出席《屯門黃金海岸海豚廣場》揭幕酒會，大會捐出二十萬予成龍慈善基金，由成龍領取支票。
「多謝幫我宣傳」
對於有雜誌指成龍與金喜善在北京出席首映後，到酒店跳舞，態度異常親暱。成龍聞言即大叫：「黐線，我嗰陣喺餐廳入面睇住佢哋喺出面影相，我哋跳舞玩吓咋，我都有扶馬麗卡，又唔登？我𠵱家冇所謂，多謝佢哋幫我宣傳㖭。」
成龍對於被指做阿四侍候金喜善尷尬說：「你哋幾時咁八卦？改吓啲文化啦，唔係好大鑊。」有指成龍教金喜善講粗口，他謂：「我個仔九歲時我都教佢啦，教識佢叫佢唔可以講，呢個世界邊個唔識講粗口？講都唔代表壞，係文化，金喜善都有教我講韓國粗口，我又唔係咁高尚，做過唔怕認。」
扮左麟右李唱歌
鄭中基透露明年二月出新碟，他寫了《給張學友的歌》和《左麟右李鄭中基》兩首歌，他說：「我出道第一首歌就同學友合作，佢教我好多嘢，我重會扮克勤同阿倫把聲唱歌。」
採訪：藍文浩 攝影：何國豪
