鍾楚紅前晚佩戴Piaget百萬元鑽飾，以代言人身份，到金鐘出席品牌的晚宴。她表示現時生活開心，笑容與眼睛都特別美麗。同場的范姜則拒評章小蕙被傳隆胸一事，指「唔理街外人嘅事」。
瑞士珠寶及鐘表名牌Piaget（伯爵）推出以五感為題的「感官花園」首飾，前晚在金鐘搭建白色花園設宴招待來賓，並請來法國藝術團LesFarFadais表演，名模樂基兒、LisaS.和Rosemary等示範美鑽系列，讓來賓品嘗不同的感官享受。
開心自然靚
Piaget亞太區珠寶代言人鍾楚紅佩戴價值逾百萬元鑽飾亮相，她說：「我覺得用人嘅五感做設計，有一種自然永恒嘅美。我今日嘅耳環都好特別，裏面有粒吸咗香薰嘅木珠，好香。」問她最滿意自己那個五官？她笑得燦爛地說：「冇諗過喎，我估係成個人，開心嘅話自然笑容同眼都會靚啲。」其後她大讚梁家輝在舞台劇《傾城之戀》的演出很好。
而出席晚宴的有范姜、郭由美子和九巴後人雷兆光林靜怡夫婦等，范姜透露鍾鎮濤的女兒嘉湄已改名為「嘉晴」，她說：「嘉湄個名純粹好聽，好靚，但冇算過八字，呢個『晴』字，好似晴天咁開心，蔡伯勵改咗幾個名，係囡囡自己揀嘅，佢都好鍾意。」
唔反對隆胸
問范姜是否因為嘉湄名字廣為人知，帶給小朋友壓力而改名時，她說：「佢知父母做邊行，適應咗喇！」她還表示章小蕙也知悉及同意女兒改名，提到章小蕙被拍到腋下有洞的照片，疑是隆胸的痕迹時，范姜說：「我唔理街外人嘅嘢，我自己就唔鍾意囉，若果有人覺得靚啲，我唔會反對，太誇張就唔得。」她表示很滿意自己身材。
採訪：DebbieLum
攝影：RickyChan
