草蜢昨天接受商台節目《叱咤樂壇》訪問，繼《我們》後新曲《萬眾期待》亦準備於下星期推出。這首歌由蔡一傑作曲，傑仔說：「一諗起我哋個演唱會，就會聯想到金光閃閃，就有靈感寫。呢排我都猛聽歌排舞步，噚晚諗到瞓唔着。」至於草蜢的唱片，卻未必能如期在演唱會前推出，蔡一智說：「我哋想慢工出細貨，呢隻碟有新曲加精選，好似我哋嘅音樂日誌。」
不再加場
另外，草蜢十月舉行的個唱，門票已售罄，他們表示不會加場。阿智說：「我諗嗰兩晚光輝會照耀紅館。」記者問到會否刻意製造特別效果令他們與梅艷芳合唱，阿智說：「唔會喇！我知其他人用過呢啲方法，但係估得到就唔係草蜢啦！」
採訪、攝影：王連連