混血名模Rosemary昨日在中環示範鑽飾，由九位男模襯托以「九星伴月」姿態出場，她表示很希望收到男友送贈兩卡重的鑽戒，並能鄭重向她跪地求婚，感覺相當浪漫。
混血名模Rosemary昨日往中環國際金融中心示範謝瑞麟最新推出、共重五十卡、總值千萬、名為Estrella的「九心一花」一百瓣切割鑽飾，Estrella西班牙文為天上閃亮的星星，所以Rosemary昨日以「星之女神」造型出現，並由九名男模以「九星伴月」姿態登場。
要跪地求婚
Rosemary表示十分喜歡西班牙，她說：「當地人好浪漫，又熱情。」她又自言愛買鑽石頸鏈及耳環，但戒指則希望由心愛的人送贈，Rosemary說：「因為戒指等如愛，應該由所愛嘅人送，將來我亦希望男友好formal咁向我求婚，例如要有一隻大約兩卡重嘅鑽戒，同埋要跪低求婚。」
早前Rosemary被拍到與男友在小巴激吻，以及獨自搭地鐵等照片，大前晚她在JeanPaulGaultier騷時對此甚為迴避，更火速離場，昨日她解釋說：「我冇避你哋，只係唔想再講呢件事啫，我今日帶住好心情嚟工作，亦想帶住好心情離開，加上你哋都搵到你哋想要嘅嘢啦，我冇收埋，只係唔想多講啫！」
貪地鐵方便
提到搭地鐵及在地鐵玩PSP，Rosemary說：「地鐵係一種好方便嘅交通工具，搭的士會塞車，揸車又難搵位泊，我嗰日打緊賽車game好緊張，都冇理會身邊嘅人。」
採訪：DebbieLum
攝影：EdwardChou
