中秋節過咗唔夠一個禮拜，蘭西枱頭啲月餅都未食晒，噚日收到恒基嘅新聞稿，都係同月餅有關。原來恒基旗下兩間管理公司，偉邦同恒益物業管理喺中秋節派出義工隊去做探訪，又喺屋苑搞活動，總共送咗約五千個月餅畀長者、社區居民同殘障人士。 呢兩間物業管理公司，原來連續四年都有喺部份大型屋苑推行「中秋月餅敬長者」活動。而義工隊重會去唔同嘅社會機構做探訪。