蘭西提到有銀行大減價賣出手上嘅銀主盤後，噚日又收到料話有投資者降價出貨。 世紀二十一張潤森表示，馬灣珀麗灣十三座高層G室，六百九十四呎園景單位，因見銀行加息同新盤減價，投資者態度軟化，見有客問津，肯收少九萬，以二百二十一萬賣畀外區換樓客，比同類市價低四巴仙。投資者賺十三萬離場。 珀麗灣本月至今僅得三十宗買賣，比上月同期少一半。