九龍塘單幢豪宅藍馬豪庭，將會推出餘下十八個單位，發展商搵齊中美兩大代理幫手促銷，重喺記者會上手拉手影相。大家都知中美競爭幾激烈，所以咁嘅手牽手合照認真少見。
講番呢個樓盤，普通單位面積一千二百幾至差不多一千四百方呎，呎價六千七百幾至約八千五百蚊；相連單位二千五百七十二方呎，呎價九千四百至至一萬以上，最貴嗰個係三十二樓相連單位，因為附連Cyber式裝修，所以呎價高啲。
幢樓有約四十個單位，其中二十二個已經喺年初賣咗，今次開價升咗一成幾，全部單位賣晒，估計套現約五億，利潤大約兩億。
電郵地址：[email protected]