恒隆主席陳啟宗噚晚請晒成班嚟中大出席學術研討會嘅華人傳媒學者去君臨天下開酒會，陳主席請客之餘重發表演說，佢話當年（1986）佢老父仙遊，剩低佢一個人決定應否喺九七前撤離香港，佢分析美國將會取代英國地位，於是花咗一段時間喺中美兩邊走做研究，結果當然係冇撤走啦。
陳啟宗嘅結論係美國係一個獨大同無知嘅國家，對中國唔認識且有偏見；而中國一樣唔識美國。至於影響力，美國傳媒比美國政客更厲害。講完一大輪，自稱傳媒受害人嘅陳啟宗先入題，就係希望有朝一日，有份高水平以及有影響力嘅華文報紙出現，唔好俾西方玩晒。
傳真︰2623-9278
電郵︰[email protected]