民間人權陣線今日開會選新召集人。有友好同八方講，何秀蘭、現任副召集人葉寶琳、基督徒學會嘅范立軒、新巴工會嘅鍾松輝、同埋關注同志權益嘅邵國華呢六個人，各有擁躉支持，目前形勢都幾混亂，唔到今晚都唔知選到邊個做。
何秀蘭就同八方講，佢肯定唔會去馬，因為要出席另一個活動，今晚連會都唔會開，佢重叫啲團體成員，千祈唔好提名佢，唔好做埋呢啲嘢！
有民陣成員同八方講，較為傾向范立軒做喎，因為鍾松輝嘅新巴工會，嚴格嚟講都唔算民間團體，而且佢都未必抽到時間搞民陣；有團體都擔心，何秀蘭如果去參選，民陣召集人從政，身份就有啲尷尬，不過佢唔選就冇事啦；葉寶琳就經驗淺咗啲。范立軒𠵱家睇緊人權小組，基督徒學會又係民陣創會成員，佢做就較適合啦！
傳真︰2623-9278
電郵︰[email protected]