【本報訊】香港迪士尼樂園帶給遊人歡笑與夢想，但歡笑背後卻有不為外人道的辛酸淚，有任職樂園餐廳的員工批評樂園編更制度極差，朝早十時便要員工吃午飯，然後一直工作到晚上，員工抵不住肚餓，惟有在替客人清理餐桌後，乘機把吃剩的二手飯急急送進口中。 記者：謝穎詩
該名員工表示，原本在海洋公園扮演「威威獅令」，一心轉工扮迪士尼卡通人物逗小朋友開心，怎知卻被安排到餐廳工作。他說：「細個時候去過日本迪士尼，好開心，所以我好想扮迪士尼卡通人物，點知道被人調咗嚟做餐廳，重做得好辛苦，又經常見到同事喺後台喊。」
「到𠵱家重記得」
他批評園內編更混亂，「有次朝早十點三就編咗我食飯，咁早點會食得落飯，嗰日做到夜晚八點幾就好肚餓，有個客碗咖喱飯只係食咗少少，我咪偷偷地食咗碗飯另一邊，到𠵱家我重記得嗰碗咖喱飯真係好好味。」他希望捱滿一年後，可申請轉扮卡通人物。
另外，亦有員工透露，不少人已捱不住辭工了，估計到十二月遊客最多的時候，將會是離職高峯期，因為曾到美國受訓的員工，在合約期滿後將不續約。五百多名在美國受訓的員工原本最有經驗，但卻不被本地主管接受，更要求他們把在美國學回來的一切忘掉。「喺美國，樂園好忙嘅時候，啲經理全部落手落腳同我哋一齊做，但喺香港，佢哋唔會做㗎，但人手又唔夠，做得好辛苦。」
職工盟籲組工會
職工會聯盟昨聯同獵奇行動六名成員，在樂園員工大樓門口派發傳單，呼籲員工成立工會。職工盟下月將與樂園集團總裁羅彬深會面，討論有關問題。
香港迪士尼樂園強調員工士氣高漲，亦尊重員工組織工會的自由，但認為現時由公司直接和員工溝通是最好方法。