中秋節嘅傳統活動，梗係要一家人一齊，食餐飯過節。好似唐英年一家咁，就梗係有食飯團圓啦。唐媽媽噚日喺香港工商界婦女嘅酒會同八方講，中秋節翌日朝，即係十九號，自己雖然同董太、曾太去咗昂船洲駐港解放軍軍營勞軍，但夜晚都有同唐唐一家大細食飯，重話中秋節係要聚埋一齊，咁先至叫團圓呀嘛，思想真係幾傳統吓。
唐媽媽早前都有去過迪士尼，不過佢話，嗰日落大雨，自己乜都冇玩，講嘅時候，流露出幾可惜嘅神情，如果八方係迪士尼公關，就一定請佢去多次。
呢期經濟好轉，唐唐寫預算案，係咪都會冇咁辛苦？唐媽媽一聽到呢啲正經嘢，就話個仔嘅嘢，你哋要自己問佢，睇嚟佢都唔想再做乖仔代言人。
傳真︰2623-9278
電郵︰[email protected]