中國建設銀行下月來港上市一事，如火如荼，另一邊廂，建銀投資與美資大行摩根士丹利有份投資的中國國際金融（CICC）已經成立咗十個年頭，上周五喺北京舉行十周年慶祝活動，昨日移師來港開party，好多名人出席。
今年初接任中金董事長嘅汪建熙與大摩主席文禮信，罕有地一齊見記者。汪總一開場已經話自己上任不久，又唔係全職，只能盡量解答記者問題，又話大摩一向低調，難得文禮信喺度，叫記者多啲問佢，呢一腳傳中波重勁過碧咸。坐喺佢身旁嘅文禮信，聽繙譯講完先知道要接招。中金又將過去十年曾經協力安排上市嘅十一家大型國企個嘜頭印喺個紀念杯度，等大家知佢有幾威。
傳真︰2623-9278
電郵︰[email protected]
