陳苑淇（Jolie）日前拍攝新歌MV，為使自己更加投入，她表示之前曾有意將舊男友相片帶往錄音，但卻害怕充滿仇恨才打消念頭，因為當初二人分手時搞到很不愉快。
陳苑淇日前於柴灣拍攝新歌《青芥》MV，這首歌是描述少女失戀心情恍如吃了一口青芥辣般，眼淚掉了出來後又要重新振作。
細說失戀心情
拍攝當日，Jolie為配合歌詞內容，身穿白色吊帶裙的她便向毛公仔傾訴心事，細說失戀感受。而Jolie在接受訪問時，亦表示這首歌曲與她過往的有很大分別，她說：「呢首歌要好少女，同我以往嘅激動唱腔好唔同，錄歌嘅過程好辛苦，我真係錄到喊，不過今次成個過程獲益良多，因為𠵱家會知道自己嘅聲線，可以有咁唔同。」
有第三者介入
問Jolie錄歌時可有回憶起昔日與男友的往事呢？她笑說：「本來有諗過帶舊男朋友張相去錄音，但最終都冇，因為怕有仇恨，之前同佢分手時搞得好唔愉快，我哋喺美國讀書，但大家唔同省分，聚少離多，後尾我知佢有咗第二個，但佢唔認，不過我哋最後都做得番朋友，對上一次見係兩年前，大家出嚟飲嘢，但個感覺已經唔同晒，重為一啲無謂小事拗到面紅耳綠。」
既然歌詞中提及失戀，但為何MV中沒有男主角呢？Jolie表示這全是導演的安排，再問她心目中可有想過邀請哪位男星擔任男主角呢？Jolie笑說：「我最想係阿Rain同王力宏，因為兩個都好靚仔同有型，如果係就好喇。」
採訪：馮美茵
攝影：陳偉權
