顏福偉大前晚醉酒大鬧《長恨歌》派對，當晚是曾和鄭秀文（Sammi）傳緋聞的Serena帶顏福偉到場，但她事後極度後悔。Sammi昨日表示知道顏福偉飲得大醉，故不會介意他的言論。
白花油王子顏福偉大前晚醉酒大鬧電影《長恨歌》在跑馬地紅酒館舉行的私人派對，他在鄭秀文到場前，發表偉論指「套戲就係死喺Sammi手上」。Sammi到場後，顏福偉不但呼喝她不准吸煙，更出手拉扯她，盛怒的張叔平當眾趕顏福偉走。顏福偉事後直言和導演關錦鵬、Sammi都不熟，是Sammi前助手阿爽和以及曾和Sammi傳緋聞的阿爽家姐Serena叫他去，而Serena昨日即表示要向Sammi道歉。
回應表現大方
Sammi昨日接受訪問時，對於顏福偉當晚的言行回應說：「其實佢醉到咁，都費事理佢啦，睇佢個樣知道佢真係醉，所以都冇乜所謂。」顏福偉指若章子怡做《長恨歌》會比她好，Sammi亦大方回應說：「咁每個人都有權有自己嘅睇法，同埋有權去評論任何嘢。」至於Serena就此事向她道歉，Sammi說：「其實唔需要，大家都係識得嘅朋友。」
而Serena昨日在電話中透露十分後悔帶了顏福偉出席派對，她說：「我真係好後悔好後悔好後悔，今次真係帶錯癲狗咬錯人，人哋台前幕後用咗咁多個月咁辛苦拍套戲出嚟，咁樣畀佢擺上台。當時我叫咗佢走好多次，佢都唔肯走，人哋請佢睇戲、請佢食嘢、請佢飲嘢，佢就整單咁嘅嘢出嚟，我唔知道佢鍾意博出位博到如斯地步，今次件事令到我好憎佢。」
「唔好搞我朋友」
Serena表示要公開向關錦鵬、張叔平和Sammi道歉，她說：「今次件事，係因為我帶咗白花油嚟先搞出嚟，我真係好對唔住佢哋，真係非常之sorry，尤其係Sammi。我覺得Sammi喺戲中做得好好，係佢演技上有突破，關錦鵬同張叔平亦拍得好好，好用心機。人哋套片報名奧斯卡，唔係好似佢（顏福偉）咁自資出唱片，佢鍾意出風頭咪自己死落街咯，唔好搞我啲朋友。」
採訪：張止寒、陳月媚
攝影：葉君海
