黎姿在銀川拍攝新劇《火舞黃沙》外景，雖然在荒蕪之地工作得十分辛苦，又要拍驚心動魄的爆炸戲，但卻有機會騎驢仔，令她興奮不已。
黎姿早前往內地銀川拍攝無綫新劇《火舞黃沙》，外景工作現已完成，她與劇中演員陳豪、林保怡、佘詩曼和一班工作人員趁離開銀川前，還齊齊出席煞科宴，慶祝外景順利拍竣。
親身拍爆炸戲
黎姿在劇中有不少驚險鏡頭，其中一場爆炸戲更嚇得她花容失色，她日前接受電話訪問時說：「場戲講我運送煙花，途中俾人破壞，發生大爆炸，原先我以為會用替身，但監製要求我親身上陣，爆炸嗰一刻，真係好大聲，兼有地動山搖嘅感覺，我覺得好驚，心靈都受創，不過出嚟嘅效果真係好靚。」
除了爆炸場面外，黎姿拍攝煞科戲時，需要半夜起程往拍攝地點，當日氣溫突然轉冷，幸好她帶定保暖內衣，才不致凍僵。雖然拍得辛苦，但黎姿卻有機會騎驢仔，令她感到畢生難忘。
學曉騎驢代步
黎姿說：「真係好開心，因為係我第一次騎驢仔，初時都有啲擔心唔識點控制，不過當地人教識我點叫停隻驢仔，估唔到驢仔咁識性，重可以騎住佢行好遠，用佢嚟代步都唔錯。」
