吳美珩主演的劇集《開心賓館》及《妙手仁心III》早前剛播畢，她與苗僑偉主演的新劇《人間蒸發》亦將於下周一在翡翠台播出，劇集一部接一部，難怪她日前接受訪問提起此事時亦笑不攏嘴。
一人分飾兩角
吳美珩說：「我都估唔到《人間蒸發》會咁快推出，連續上三套劇梗係開心，證明我呢兩年真係好勤力，不停拍咗好多劇。」
在新劇《人間蒸發》中，吳美珩會同時飾演一對孖生姊妹，一人分飾兩角，她說：「一個係老千，一個係從小喺溫暖家庭長大，我呢幾年不斷嘗試唔同類型角色，希望觀眾唔會睇到悶。」
吳美珩今年先後有多套劇播出，問她可有寄望在年底台慶中奪得獎項？她說：「我明白做呢行唔係付出多，就一定會收穫多，攞獎係要配合天時地利人和，如果有獎攞梗係開心，不過唔會睇得咁重，但都會有信心。」
採訪：卓美娟