領匯可以再上市，身為揸fit人嘅孫公心情應該靚靚。除咗呢壇大嘢，孫公都要兼顧其他事務，好似佢會喺下個禮拜，帶個龐大兼猛料嘅代表團，包括屋宇署署長鄔滿海、規劃署署長馮志強、立法會議員劉秀成同環保建築專業議會主席陳佐堅等，遠赴東京出席世界可持續發展建築會議。
身為團長嘅孫公，屆時除咗會代表特區政府致辭，介紹香港可持續發展建築嘅狀況之外，又會簡介國金中心二期、香港濕地公園等多個環保建築項目，其間佢重會拜訪日本國土交通省，以及參觀六本木山嘅發展。能夠帶住咁多猛人參加國際會議，孫公呢鋪都好威風，而且肯定冇帶議員北上咁高風險。
傳真︰2623-9278
電郵︰[email protected]