一直係基金愛股的大成生化（809），近排股價持續向下，創下2.95元的52周新低。股價下跌之謎，昨日終於揭開謎底，原來大成公布截至今年6月30日止中期業績，比起去年同期下降40％，得番2.51億元。
經紀黃話，大成盈利倒退，主要因為主打產品賴胺酸價格持續疲弱而成本上漲所致，雖然芬佬之前都睇到賴胺酸價格下跌，亦估到大成業績會受影響，但就諗唔到盈利會下跌咁多，所以今日股價或者會有大波動。
大成昨日跌1.56％，收3.15元，成交股數631萬股，金額1989.9萬元。
另外，在廣州做地產代理的合富輝煌（733），噚日公布中期業績，盈利增加20％至2330萬元。經紀黃話，隻股除咗金手指捧場外，一直都有一班星洲基金支持，股價近期唔經唔覺已升上2元水平，但隻股貨疏，如果股價再升，佢一啲都唔會覺得奇怪。
合富昨日跟隨大市下跌1.2％，收2.05元，成交股數211.4萬股，金額417萬元。
慕容小初