容祖兒、鄭希怡、梁洛施、蔣雅文、吳浩康、李逸朗和Boy'Z等，昨日在尖沙嘴出席「英皇新秀歌唱大賽2005」記者會，並即場與八位參賽者配對。
祖兒大讚參賽者，並表示勝出者將有機會擔任其演唱會嘉賓，祖兒說：「都有咁諗過，不過重未落實，咁就要睇佢哋唱得好唔好，唱得好就絕對有咁嘅可能性。」祖兒自爆初出道時經常借經理人霍紋希（Mani）的化妝品及服飾，有次更被指樣貌似Mani，祖兒說：「Mani一聽到即刻好唔開心，我就梗係開心啦。」
吳浩康感觸
吳浩康對於將有新人加入樂壇顯得十分感觸，問他是否擔心時，他說：「人哋好自己就會更加努力，呢個係我之前做錯事學識嘅嘢，同埋要好好珍惜機會，如果唔學多啲嘢會被淘汰。」此外，梁洛施昨日抱恙上陣，她說：「我今朝飲咗兩包檸檬茶，所以胃痛。」
採訪：王崇穎 攝影：陳志嵐