無綫長壽節目《K-100》部份歷任主持昨日在將軍澳電視廣播城錄影大後日播出的《千夜星光K-100》，《K-100》自七七年播出後，一眾歷任主持韓馬利、汪明荃、陳秀珠、黃淑儀及陳復生等對《K-100》的終結均感到依依不捨。
《K-100》首任主持韓馬利昨日憶起當年與何守信一起擔任主持的點滴，她說：「嗰時有個大郵筒做布景，當年何B成日教我做主持係代表公司形象，所以我哋嗰個年代講嘢會小心啲同嚴肅啲。可能何B𠵱家形象太亞視化，佢今日嚟唔到好可惜。」
阿姐倡保留節目
九○年的主持汪明荃則認為公司有需要保留《K-100》，阿姐說：「電視台係要有一個官方節目畀藝員可以多啲宣傳。」此外，有報道指韓星李英愛將會有份角逐無綫台慶的獎項，問阿姐可會覺得對本地製作不公平，阿姐說：「又唔使咁認真，我覺得自己喺《我的野蠻奶奶》都演得好突出㗎！」
採訪：卓美娟 攝影：陳慧安