八方睇美聯社通訊話美國駿昇公司（Gemstar-TVGuideInternational）嘅華裔創辦人、「易錄寶」發明人袁子春，將會於下月初喺洛杉磯法庭，承認一項企圖妨礙美國證監會調查駿昇做假帳嘅控罪。袁子春將要支付二十五萬美元罰款、捐贈一百萬美元予當地三個慈善團體，另緩刑二年。
袁子春係本港富豪劉鑾鴻嘅妹夫，十多年前發明預校錄影系統「易錄寶」，兩人其後創立嘅駿昇藉「易錄寶」專利，成功喺美國上市。二千年，袁子春更獲美國亞裔雜誌選為美國最有影響力風雲人物之一。翌年，科網潮令駿昇炒熱，佢榮列美國《福布斯》華裔富豪榜首位，身家達一百五十億港元。
傳真︰2623-9278
電郵︰[email protected]