向海嵐日前為一美容院拍攝廣告，她自覺皮膚不俗之外，更對纖纖玉手感到自豪。向海嵐曾獲男朋友盛讚玉手既柔軟又好揸，故她除了緊張自己的外貌外，亦相當重視手部的護理。
向海嵐擔任AngelKiss美容院代言人，今年已是第二年續約。日前向海嵐在柴灣拍攝廣告，她認為無論是否身為護膚產品的代言人，作為藝人亦須時刻為自己身材及樣貌保持最佳狀態，而向海嵐的護膚心得非常簡單，就是要多飲水。
為玉手自豪
向海嵐今年先後拍了一個護髮及美容廣告，但她最想拍修護指甲廣告，向海嵐說：「我呢一刻最需要修甲贊助，因為我鍾意幫指甲扮靚，指甲乾淨又靚，成個人儀容都會正好多，所以手部護理都好重要。我覺得自己隻手都算幾好，以前都有男朋友讚過我隻手好柔軟，好揸手，我會覺得好自豪，因為女仔都會鍾意俾人讚。」
打boxing收身
此外，原來向海嵐亦是滑水發燒友，雖然最近連續多日為新劇《上海傳奇》拍通宵戲，但她寧願犧牲睡眠時間，仍要去玩滑水，向海嵐說：「因為約唔到男仔去，每次都係同女性朋友去玩，為咗唔想曬太陽，我會揀晨早或黃昏去滑，重會將自己包到實，每隔十分鐘就搽一次太陽油㖭。過咗夏天之後唔會再玩，我諗住改玩boxing，打boxing收身都會快啲。」
採訪、攝影：魯萍
