張震同舒淇傳出緋聞，雖然佢兩個冇承認拍拖，但兩個人都話係好朋友，張震噚日都話見到舒淇，一定唔會迴避，重會請佢飲茶同食飯，又話佢哋見面有好多話題，絕對唔會為避嫌限制自己嘅行動自由。
任影展評審
𠵱家喺加拿大擔任蒙特利爾國際影展評審嘅張震，工作都幾繁忙，佢之前重先去意大利幫佢做代言人嘅服裝品牌Paul&Shark拍廣告，佢諗唔到個人喺咁遠都一樣俾人追問緋聞，張震以國語話：「我承認拍《最好的時光》時，我們二人（指跟舒淇）很有感覺，不過當戲結束我們就回到各自的生活。一直以來我和她以朋友交往，因大家都忙，真要交往恐怕也難持續。」
問張震會唔會追舒淇？佢話：「感情事很難講，今天我們是兄弟的感覺，誰知道明天忽然發生甚麼事，如果真有通電這一日，我一定不會說出來。」嘩！張震咁講，咪即係暗示佢同舒淇關係非一般喎！