上海幫請來梅老師演京劇，賀煲呔當特首。一齣穆桂英掛帥，吸引咗好多人捧場，上海總會熱鬧非常；雖然，聽曲者未必理得邊個做特首。
八方在場中見到好多熟人，例如黃保欣、譚榮邦，重有久違的前保安司黎慶寧，原來佢兩夫婦都係京劇迷，今次返港小休，有戲睇當然唔錯過。譚榮邦更加大癮，佢話遲吓會飛上北京，一連睇五日戲。哦，唔怪得之佢當年駐京，從來都冇投訴啦，原來開正佢嗰瓣。咁特區政府頭痛梁寶榮退休之後，冇人出掌駐京辦，其實可以內部出咗通告，問吓有冇人喜歡聽京劇，可能有人自動請纓北上呢。
傳真︰2623-9278
電郵︰[email protected]