港台最惹火嘅節目《頭條新聞》暫停播放，相信唔少觀眾都會覺得失望，其實時事節目一直有市場，最緊要睇你點包裝。
噚日港台舉行新一年度電視節目巡禮，曾經做過電視嘅自由黨議員周梁淑怡就向港台獻計，話搞時事節目最緊要有娛樂性；民主黨鄭家富就話公平公正最重要，要畀唔同政黨有相同機會發表意見；民建聯李國英就話時事節目要掌握社區脈搏喎，至於主持過唔少呢類型節目嘅飛哥，雖然冇乜提意見，不過佢就以過來人身份話做呢類節目，最緊要唔好有你講冇人講。佢重半認真咁話，唔畀人講嘢嘅節目主持人，保證唔做得耐，遲早俾人炒魷喎，唔知鄭大班聽到，有乜感受呢？
傳真︰2623-9278
電郵︰[email protected]