本地上市公司愈嚟愈多，小股民要全面了解公司經營狀況，除咗睇傳媒嘅報道外，好多時都要睇年報，以掌握更全面嘅消息。部份香港上市企業，其實喺呢方面都已經做得唔錯，好似中電咁，最近歐洲財經刊物enterprise.com評選全球最佳年報，中電喺參賽嘅一千一百間公司中，獲得第十一名，更加係亞洲區及全球公用事業機構嘅冠軍。中電話本年報獲得一致好評，係因為佢哋將資料清晰無誤咁向外披露，加強與各界嘅溝通。
至於新世界集團，亦喺國際ARC年報比賽中獲獎，佢哋旗下間新世界中國地產，及新世界信息科技攞咗兩個獎。八方真係好希望，其他公司可以學吓。
傳真︰2623-9278
電郵︰[email protected]