薩克拉門托君王噚日以場數三比一淘汰康涅狄格太陽,首次贏到WNBA總冠軍,該隊嘅兩位中國女將苗立杰同隋菲菲,雖然連一場季後賽都冇打過,但喺都可以攞到冠軍指環,成為繼兩年前效力NBA盟主馬刺嘅巴特爾之後,能夠攞到美國職業聯賽總冠軍嘅中國球員。
其實苗立杰同隋菲菲原本有機會可以親手捧盃,但係佢哋為咗參加全運會,竟然放棄參加WNBA季後賽嘅難得機會;更可惜喺佢哋之前因為要助君王殺入季後賽,放棄參加亞洲籃球錦標賽,結果眼白白睇住隊友贏金牌。𠵱家又為咗幫省隊效力,竟然又一次錯過親手捧盃嘅千載機會,唔怪得佢哋都異口同聲話好遺憾冇參加WNBA季後賽,皆因奪標嘅過程先令最令人回味!