舖王鄧成波或有關人士，舊年斥資四千三百幾萬，買咗六個何文田天次樓嘅單位。 舖王對於買舖，眼光獨到，今次買住宅，都一樣咁掂，經過翻新之後，喺四月份分拆四個出售，較早時已經以千五萬賣咗一個，剛剛又以千五萬，賣多一個高層B室。 樓齡四十一年嘅天次樓，呎價都做到六千五百幾蚊。拆售嘅單位重有兩個，照咁睇，再賣多一個就翻本。 波叔原本已經持有嘅兩個單位，連同餘下兩伙都會保留自用。