中環租盤買少見少，推咗唔少租客過灣仔太古廣場三座，太古話，新近有四個租客進駐，租用逾五萬呎，出租率一個月內上升一成，至七成，最新租金突破四十蚊關口。 新租客名單包括埃森哲、鴻鵠律師行、德國北方銀行，同埋金英證券等，全部都係由核心中環搬過嚟。 太古廣場租金由年中時三十蚊呎，急升至𠵱家逾四十蚊，雖然如此，比起中環一線，動輒要七八十蚊一呎，重算吸引。