名模樂基兒早前拆除34C隆胸回復32A身材，但原來她在拆胸前，穿上白色泳裝充當人體投射畫布，為鐘表品牌拍廣告，當時身材仍惹火的樂基兒，更要與半裸男模依偎擺甫士，不過她謂工作至上，毫不尷尬。
瑞士著名腕表品牌Dubey&Schaldenbrand請來名模樂基兒（Galie）及男模Kelvin拍攝全新廣告相，由化妝師RickChin任形象指導，構思出以人體投射畫布概念來拍攝。
手表如身體
拍攝廣告照當天，Galie一頭性感曲髮配白色泳裝，大擺誘惑及性感甫士，更與看似全裸的男模貼身依偎，各種不同的手表圖案和花紋等影像則投射到他們的身體上。RickChin說：「我哋嘅構思係將人嘅身體變成畫布，將手表嘅影像繪到身體上。手表就如身體，時間在轉，人亦不斷成長，可能身體外形會有轉變，但內在嘅本質冇變。」他又大讚Galie的輪廓氣質，結合二十年代古典與現代時尚感。
Galie在廣告照中身材玲瓏浮凸，她昨日接受電話訪問時，透露拍攝當天仍是豐胸34C狀態，她說：「係幾個月前影，𠵱家個胸已經冇晒喇！」她還透露在影樓拍足一天，她說：「我入行咁耐未試過影咁樣嘅相，我睇唔到啲圖案，完全自己擺甫士，等攝影師就位影，但感覺都好得意囉！」
見慣裸男模
問Galie與近乎全裸的男模合照時，親密依偎及摸臀可覺尷尬？她說：「唔會，平時喺後台啲男仔都冇着衫啦，不過佢有着under，同埋係工作做嘢，做models大家都慣咗，冇所謂！」
採訪：DebbieLum
