放假但求冇嘢做，於是日頭可以鬥瞓，瞓到飽為止。早上起來頭岳岳，見到友人仍在甜睡中，唔忍心叫醒佢，於是倒頭又瞓過，友人起身見我未瞓醒，心安理得繼續瞓，於是每一日都體驗到乜嘢叫做瞓到黃朝白晏，才起床。
日頭瞓咁多，晚上鬼打冇咁精神，長夜漫漫點算好？唔使驚──煲碟。去年假期煲了一整輯《SexandtheCity》，好不過癮，今年特地預備了兩輯大熱劇集《TheO.C.》及《浪漫滿屋》，但可惜原來不太對胃口，每輯只看了半集，便再提不起興趣，幸好友人已為我準備了《DesperateHousewives》，是繼《SexandtheCity》後另一齣全球大熱的女性電視劇。以幾位性格鮮明的家庭主婦做主角，各人的家各有一本難唸的經，每集都有一個獨立主題，但卻以一宗引人入勝的自殺案作牽引，在第一集中，一位家庭主婦離奇自殺，之後便以這位已離世的家庭主婦作故事敍述者，這樣的講故事手法挺新鮮，也很能吸引觀眾一集一集追看下去。
友人知道《DesperateHousewives》是《SexandtheCity》的姊妹作尤其興奮，因為在《SexandtheCity》劇中不乏香豔養眼場面，可惜在《DesperateHousewives》中則欠奉，尤其是劇中飾演Gabrielle的EvaLongoria是位尤物，我追看了幾晚通宵後仍未見到她的裸露鏡頭，友人哀莫大於心死，返房瞓覺，不過好似成晚囉囉攣，瞓唔着。