大量遊客湧到澳門旅遊兼賭兩手，消費市場有乜法子唔旺，自然吸引外資飲食集團搵商機，美聯方志偉話，本港連鎖餐飲集團，上月到黑沙灣開分店，租用六千呎，呎租二十，每月租金十二萬。聽講，呢個集團係肯德基。 另一個中式集團重緊要，喺新口岸買咗個萬六呎商場舖經營，投資近四千萬。重有一家美資搵緊地方，計劃開十家分店，每間三千呎。 睇嚟，澳門房地產市場真係有排旺。